談判專家

小弟專程喺呢齣戲上畫之前重溫咗原版，今晚睇完呢齣發覺邱禮濤算係交到功課啦。起碼開場嗰場戲個壓迫感可以捉得住觀眾，劉華嘅客串都算係小小嘅驚喜(因為今次做得冇咁劉華)。好明顯今次劉青雲係主角中嘅主角由頭帶到尾，鎮宇嘅角色對比起原版嚟講，著墨似乎少咗啲，覺得有少少浪費咗。不過都係兩位高手時隔多年嘅合作(仲記得《高度戒備》睇得好過癮)。

雖然片頭已經寫明係改編，但係邱禮濤為咗自己唔想寫咁多字，佢老味直頭抄埋原先嘅對白，真係慳水慳力慳功夫啊屌你(不過都好過佢自己寫嘅)！對白抄唔少喇，場面就加咗唔少港產片嘅例牌嘢，咩追逐、飛車、槍戰都溝啲入去，好似套套警匪片少咗呢啲就拍唔到戲咁(一定係老細要求加架啦)。

好彩本身有個好劇本撐住齣戲咋，好彩係講1997之前嘅故事咋，好彩係依家嘅邱禮濤拍咋，如果唔係你班撚樣破壞緊安定繁榮喇屌你！

總體評分：6.5/10